ព្រះសីហនុ៖ ពិព័រណ៍ទេសចរណ៍អន្តរជាតិ Travex ២០២២ ដែលរៀបចំនៅក្នុងបរិវេណសណ្ឋាគារសុខា ខេត្តព្រះសីហនុ ដែលនាយករដ្ឋមន្ត្រីកម្ពុជា សម្ដេចតេជោ ហ៊ុន សែន កាត់ខ្សែបូបើកនៅព្រឹកនេះ មានការដាក់លក់ទំនិញផ្សេងៗរហូតដល់ទៅ ១៨៧ស្តង់ ក្នុងនោះស្តង់អន្តរជាតិមានចំនួន ៦១ស្តង់ និងស្តង់ក្នុងស្រុកចំនួន ១២៦ស្តង់ មកពីឥណ្ឌូនេស៊ី ម៉ាឡេស៊ី ភូមា ហ្វីលីពីន និងថៃជាដើម។
ការរៀបចំពិព័រណ៍ទេសចរណ៍អន្តរជាតិនេះគឺធ្វើឡើងនៅក្នុង វេទិកាទេសចរណ៍អាស៊ានឆ្នាំ២០២២ ដែលរៀបចំឡើងនៅក្នុងខេត្តព្រះសីហនុ ប្រទេសកម្ពុជា។
សូមបញ្ជាក់ថា កម្ពុជាទទួលធ្វើជាម្ចាស់ផ្ទះរៀបចំវេទិកាទេសចរណ៍អាស៊ានលើកទី៤០ (ATF 2022) ដែលនឹងត្រូវរៀបចំចាប់ពីថ្ងៃទី១៦-២២ ខែមករា ឆ្នាំ២០២២ នៅក្រុងព្រះសីហនុ ខេត្តព្រះសីហនុ៕
